Raymart ayaw nang magsalita, pagod na pagod na raw sa mga kasinungalingan at akusasyon ni Claudine

MANILA, Philippines - Agad na dumepensa ang abogado ng aktor na si Raymart Santiago sa mga bagong pasabog ng dating asawang si Claudine Barretto. Marami uling mga binitiwang salita si Claudine hinggil sa asawa nang magpa-interview ito sa programang Startalk at Buzz ng Bayan.

 â€œPagod na si Raymart sa mga kasinungalingan. Actually, pagod na pagod na si Raymart with all this. He’s very tired,” pahayag ng abogado ni Raymart na si Atty. Ruth Castelo.

“Kaya if you notice, he does not want to come out in an interview, kasi ayaw na niyang pag-usapan, eh. Pagod na siya sa mga kasinungalingan. Ayaw niya,” dagdag pahayag pa ng abogado.

Tungkol pa sa pagkaka-link ni Raymart sa dermatologist at TV personality na si Dr. Vicki Belo, pahayag ng abogodo ng aktor, “’Yung accusations na gano’n, ayaw na. Walang gana si Raymart patulan, wala siyang plano. Hindi niya papatulan ‘yung mga cheap attacks on his person.”

Tungkol naman sa alegasyon ni Claudine na ‘fake’ raw ang kasal nila ni Raymart sinabi ni Atty. Castelo na, “If the marriage was really fake, mas madali rin for Raymart, kasi there’s no marriage that would bind the parents.”

Inakusahan din ni Claudine si Raymart ng “physical, sexual, psychological, and economic” abuse, noong taong 2002. Nakasaad ito sa kanyang legal complaint against the actor for his alleged violation of the Anti-Violence against Women and Their Children Act of 2004.

Tungkol naman daw sa pag-attempt ni Raymart na saktan siya sa kanyang tahanan, sabi ni Atty. Castelo ay nag-imbestiga raw sila sa barangay office at sa security group ng subdivision kung saan nakatira ang aktres.

“Her lawyers would know what to do. They can file an incident report or have a police report or something. But as far as we’re concerned, upon our investigation, there is no such slug, bullet, whatever, that was recovered.”

Nang tanungin kung si Raymart ba ang itinuturong sangkot tungkol dito, sabi ng abogada ay, “Hindi naman, kaya lang kasi if there’s such an attempt, siyempre Raymart is concerned about the welfare of his children (6-year-old Santino and 9-year-old Sabina).”

“Kaya kung totoo ‘yon, he would do something about it. But since there is no truth to the story, it remains a story,” pahayag pa nito.

Ang next step daw ni Raymart at ng kampo nito ay ang paghahanda sa petition for the dissolution of the former couple’s marriage.

“If you ask Raymart, basta nothing untoward against him, against his children, he can keep quiet. Pero once there is something for him to really stand up and speak up, magsasalita rin ‘yan,” pahayag pa ng abogada ng aktor.