‘Pagpapasikip’ ni AiAi sinimulan na, good as new na uli ang perlas!

Almost everyday pala ang taping ni AiAi delas Alas para sa Dyesebel. Mabuti na lang, pinayagan siya na umalis ng lunch break at nagawa sa kanya ni Dra. Vicki Belo ang vagina tightening sa pama­magitan ng FemmwLift machine ng Belo Medical Clinic.

Good as new si AiAi dahil sa Pussykip pero kailangan pa ng dalawang session with Mama Vicki para tuluyang sumikip ang kanyang pearl of the o­rient!

Ipaubaya natin kay AiAi ang pagkukuwento tungkol sa mga naranasan niya sa procedure na ginawa sa kanya ni Mama Vicki.

Sunshine gusto na uling makahanap ng happiness

Nanghinayang ako nang mabalitaan ko na nagsara na ang Italian restaurant nina Sunshine Cruz at Cesar Montano.

Nakapanghihinayang dahil masasarap pa naman ang mga pagkain sa kanilang restaurant sa Quezon City.

Si Sunshine ang nagkuwento na nagsara ang Bellisimo dahil naapektuhan ito nang paghihiwalay nila ni Cesar.

Wala nang balita si Sunshine tungkol sa mga chef at staff ng Bellisimo dahil nawalan na siya ng communication sa mga dating tauhan.

Ipinagtapat din ni Sunshine na hindi sila nag-uusap ni Cesar.  Kung may gusto siya na iparating kay Cesar, ang secretary nito ang kinakausap niya.

Thirty-seven years old na si Sunshine sa birthday niya sa July. Hoping siya na makahahanap ng happiness bago tumuntong sa edad na 40.

Nakakaintriga ang mga rebelasyon ni Sunshine tungkol kay Cesar. Tanging ang aktor lamang ang makapagdedesisyon kung papatulan at sasagutin niya ang mga pasabog ng kanyang future ex-wife.

Ex-wife ni Sen. Koko, aktibo na uli sa pageant

Visible ngayon ang ex-beauty queen na si Jewel May Lobaton dahil siya ang namamahala sa Miss Manila 2014.

Project ni Manila City Mayor Joseph Estrada at ng misis nito na si Dra. Loi Estrada ang Search for Miss Manila 2014. Si Jewel ang pinamahala nina Papa Erap at Mama Loi sa naturang beauty pageant dahil may sapat na kaalaman siya bilang former beauty queen nga siya.

Si Jewel ang Bb. Pilipinas-Universe title holder noong 1998 pero mas nagmarka siya sa publiko bilang ex-wife ni Senator Koko Pimentel.

Hindi na nagkabalikan ang dalawa at tikom ang bibig ni Jewel sa tunay na dahilan ng paghihiwalay nila ni Papa Koko.

Anak ng popular na aktor nakiusap na huwag pag-usapan ang hiwalayan sa asawa

Confirmed na hiwalay na ang anak ng isang popular actor sa kanyang mister pero hindi pa siya ready na magsalita.

Hindi idinedenay ng anak ng popular actor ang nangyari sa kanyang married life. Sinasagot niya ang mga nagtatanong with matching pakiusap na huwag nang isulat ang kanyang mga pahayag.

Isa ako sa mga nalungkot nang mabalitaan ko ang nangyari dahil ideal couple ang dalawa. Sobrang mahal nila ang isa’t isa kaya walang nag-akala na hahantong sa hiwalayan ang kanilang pagsasama.