Kahit baguhan, Michael Pangilinan tinitilian na
Ang poging balladeer na tipong artistahing si Michael Pangilinan ay nagkaroon ng Valentine’s Day concert last Feb. 13. Ginanap sa The Library Metrowalk sa Ortigas Ave., Pasig City ang nasabing concert. Sinadya talaga ni Michael at ng kanyang manager na si Jobert Sucaldito na huwag gawing Feb. 14 dahil mas maraming musical shows at maganda naman ang resulta dahil sold out ang mga tiket.
Naging big factor din ’yung pawang may mga name na sa larangan ng musika ang guests niyang sina Luke Mijares, Duncan Ramos, Prima Diva Billy (ang babaeng may loud speaker sa lalamunan sa taas at lakas ng boses), Paolo Santos, AJ Tamisa, Token Lizares, at Le Chazz.
Baguhan sa kantahan si Michael pero tinitilian na at sikat na sikat na. Maganda na kasi ang boses ay guwapo, matangkad, at macho pa. Kaya type na type siya ng mga matrona at mga kakosa sa federasyon.
Mga artista maingat na sa imbitasyon
O, hayan, may joke ngayon na ‘pag may nag-invite sa mga artista, babae man o lalaki, itatanong muna nila kung saan.
Mas pipiliin na raw nila kung sa turo-turo na lang para maraming tao. Please, ayaw nila sa condo unit, at baka magkaroon ng part two ang Vhong Navarro case.
- Latest
