Bangkay ni Claudia Zobel babalikan uli ng Kapuso Mo, Jessica Soho

MANILA, Philippines - Muling sariwain ang mga hindi malilimutang kuwento ng mga Pinoy, mga naggagandahang lugar, mga isyu, at maging ang mga nag-trend sa Internet sa huling bahagi ng Kapuso Mo, Jessica Soho Yearend Special ngayong Linggo.

Tampok ang mga kuwento tungkol sa sirena, wonder dog, clyclopia, at maging si Claudia Zobel, ang aktres na pumanaw halos tatlong dekada na ang lumipas pero nadiskubreng buo pa ang katawan nito. Balikan din ang mga lugar na siguradong magpapangiti at mapapamangha ang marami tulad ng Universal Studios at Enchanted River. Sisilipin din muli ang mga video nila Elevator Girl, Totoy Brown, at Mais Vendor Gimme Gimme. Sasariwain din ng KMJS ang mga pangyayari, isyu, at mga trahedyang buong tapang na hinarap ng mga Pilipino.

Tunghayan ang lahat ng ito sa huling bahagi ng yearend special ng Kapuso Mo, Jessica Soho ngayong Linggo, 7:30 p.m., sa GMA Network.