Away sa training ni Pacman nakunan ng video Alex Ariza sinipa, ininsulto ang parkinson ni Freddie Roach

Sa darating na Linggo pa ang laban nina Cong­ressman Manny Pacquiao at Brandon Rios sa Macau pero nauna nang magbakbakan ang kanilang mga trainer.

Nagkaroon ng mainit na pagtatalo sina Coach Freddie Roach at Robert Garcia, ang trainer ni  Rios nang dahil lamang sa oras ng paggamit sa gym ng Venetian Resort & Casino at sa elliptical machine.

Nakisali sa away si Alex Ariza na dating conditioning coach ni Papa Manny pero nag-ober da bakod sa team ni Rios. Humantong sa pisikalan ang talakan ng magkabilang kampo dahil sinipa ni Ariza si Roach. Ininsulto rin niya ang pagkakaroon ni Roach ng Parkinson’s Disease.

Dating magkasama sa Team Pacquiao sina Roach at Ariza pero nagkaimbyernahan sila dahil sa maraming isyu. Lumipat si Ariza sa kampo ni Rios kaya lalong tumindi ang away nila ni Roach.

Nangyari kahapon ang insidente at nakunan ito ng mga TV crew. Marami ang nagalit kay Ariza dahil ininsulto niya ang pagkakaroon ni Roach ng Parkinson’s Disease. Ang cheap niya ‘ha?

Benefit show ng GMA 7para sa mga nasalanta, inabot ng madaling araw!

Nagpapasalamat si Mark Herras sa Kapuso stars na libre na nag-perform kagabi sa benefit show na Sayaw Pilipinas.

Hindi inaasahan ni Mark ang overwhelming support ng mga kapwa niya artista sa GMA 7. Nagprisinta si Aljur Abrenica na kumanta, kahit may taping ito na blessing in disguise na na-pack up kahapon.

Inabot ng madaling-araw ang benefit show para sa Typhoon Yolanda victims dahil sa rami ng mga Kapuso star na nag-perform.

Sikreto ng mabilis na pagpayat ni Yasmien galing sa prutas

Juicing ang sikreto ng mabilis na pagpayat ni Yasmien Kurdi. Nakatulong din ang pag-breastfeed niya sa kanyang anak na magdiriwang ng 1st birthday sa linggong ito.

Natuwa ang mga reporter na nakausap ni Yasmien sa presscon ng Rhodora X dahil sa blanket invitation niya para sa birthday party ng kanyang anak.

Hindi na nakapagbigay ng mga imbitasyon si Yasmien dahil naubos na raw. Inimbitahan ni Yasmien ang press pero nalimutan niya na sabihin ang date at venue ng birthday party.

Mark alam ang rason ng hiwalayan nina Luis at Jennylyn

Wala sa itsura ni Jennylyn Mercado na nagluluksa siya dahil hiwalay na sila ni Luis Manzano. Puring-puri nga si Jennylyn ng mga reporter dahil lalong naging blooming ang kanyang aura. Hindi raw halata na nasaktan siya sa paghihiwalay nila ng kanyang boyfriend.

Tinutukso sina Mark at Jennylyn na baka magkabalikan dahil parehong single ang kanilang mga status. Why not?

Naging magkaibigan ang dalawa pagkatapos ng love affair nila. Si Mark ang isa sa mga dumamay kay Jennylyn nang hiwalayan ito ni Luis pero no comment siya sa tunay na dahilan ng split up.

Si Mark ang leading man ni Jennylyn sa Rhodora X na hinihintay ng kanilang loyal fans dahil matagal na  mula nang magkasama ang kanilang mga idolo sa isang teleserye ng GMA 7.