Renz in love kay Kris

Masaya si Renz Fernandez na natupad ang pangako niya sa yumaong amang si Rudy Fer­nandez na tatapusin muna ang kursong Bachelor of Science in Philosophy sa University of the Phi­lippines bago niya tuluyang pasukin ang showbiz. Hindi man siya nakita ng amang nag-graduate, alam niyang masaya ito dahil hindi niya ito binigo.

Unang napanood si Renz sa GMA 7 sa isang episode ng Magpakailaman with his Kuya Mark Anthony Fernandez. Now, nasa cast na siya ng romantic-comedy light drama na Prinsesa ng Buhay Ko na ka-love triangle sina Aljur Abrenica at Kris Bernal. He will play the role of Luis, half-brother ni Nick (Aljur) at pareho silang mai-in love kay Princess (Kris). When asked kung paano niya i-describe si Kris, ang ganda raw ng mga mata ng young actress, parang kumukuti-kutitap. 

Natanong tuloy siya kung may bago na ba siyang girlfriend matapos ang breakup nila ni Maxene Magalona. Ang sagot niya, naghahanap pa raw siya. 

May advice ba sa kanya ang inang si Lorna Tolentino? Advice raw ng ina na maging professional siya, irespeto ang mga kasama niya sa trabaho, huwag magpapa-late, dapat alam ang lines niya, at gampanan ng mahusay ang role niya.

Pangyayari sa plane crash ni Sec. Robredo babalikan ng survivor!

Ilang beses na naming nakikita ang trailer ng bagong human drama program ng GMA 7, ang Bingit, na feature ang pagsasalaysay ng aide ng yumaong DILG Secretary Jesse Robredo na more than a year na ring namatay sa plane crash sa Masbate. Dinidirek ito nina Rico Gutierrez at Lem Lorca na magpapakita ng reenactment ng chain of events at gagamit sila ng interviews, dramatization, actual videos and photos, para maintindihan ang mga pangyayari ng sequences of events. 

Ipi-present nila ang different stories of celebrities, popular personalities, and ordinary individuals na nakaranas na ng mga pangyayaring halos ikamatay nila. Mapapanood na ang Bingit sa Sabado, Sept. 21, pagkatapos ng Startalk.

Julie Anne ayaw paapekto sa mga pag-ayaw ni Elmo

Clueless din si Julie Anne San Jose kung bakit tatlong projects na dapat nilang pagsamahan ng ka-love team na si Elmo Magalona ang hindi natutuloy, ang Sunday All Stars, Dormitoryo, at Kahit Nasaan Ka Man.

Siguro raw may reasons si Elmo pero hindi siya magpapaapekto, her life will go on. Walang personalan at trabaho lamang. Isang musical-drama ang Kahit Nasaan Ka Man at first time niyang makakatambal si Kristoffer Martin, na marunong ding kumanta.