Vilma nagbunga ang pagiging hindi reklamador!

Mabilis ang Unang Hirit ng GMA 7 dahil right after na­nalong best actress si Batangas Gov. Vilma Santos- Recto sa indie film na Ekstra sa Directors’ Showcase ng Cinemalaya Independent Film Festival noong Sunday evening, kahapon ng umaga (Lunes), nai-feature na siya sa show.

Sinadya nina Lhar Santiago at Rhea Santos ang actress-politician sa Batangas City Hall mansion kung saan siya nag-oopisina, at live na napanood ito sa Unang Hirit.

Maaga talaga si Gov. Vi dahil every Monday pala ay People’s Day sa city hall ng mga taga-Batangas. Ipinakita muna ni Gov. Vi ang private room at opisina niya sa mansion at siya ang personal na nag-serve ng Batangas kapeng barako sa breakfast nila ng famous Batangas lomi at goto.

Tinanggap ni Gov. Vi ang Ekstra dahil very challenging ito at gusto niyang gampanan ang role ng isang umeekstra kaya hindi siya nagreklamo kahit kung anu-anong makeup at pahirap sa kanya ni Direk Jeffrey Jeturian. Sa ngayon daw, sagot niya kina Lhar at Rhea, wala pa naman siyang susunod na pelikula na gagawin dahil priority pa rin niya ang pagiging public servant as governor ng Batangas.

Produced ng Quantum Films, iri-release ng Star Cinema nationwide sa commercial theaters ang Ekstra simula sa Wednesday, Aug. 14.

Raketeros dinagsa ng guest stars

Bukas na, Aug. 7, ang opening day in cinemas nationwide, ng comedy movie na Raketeros, ang first movie ni Quezon City Mayor Herbert Bautista sa pagbabalik nito sa muling paggawa ng pelikula.

Ang movie ay nagtatampok din kina Ogie Alcasid, Andrew E., Long Mejia, Dennis Padilla, at produced ng Heaven’s Best Entertainment at iri-release ng Star Cinema in connection with the celebration of their 20th anniversary.

Trailer pa lamang, natatawa na ang mga nakapanood ng mga eksenang dinirek ni Randy Santiago.

Tiyak na purong katatawanan ang bawat eksena ng pelikula.

Maraming sumuporta sa pelikula dahil may special participation sina Joey Marquez, Sam Pinto, Ryan Bang, Wendy Valdez, RK Enriquez, Regine Angeles, Tippy dos Santos, Rodjun Cruz. Eula Caballero, Karen delos Reyes, Markki Stroem, at IC Mendoza.

Gary V. dalawang buwang may birthday concert

Happy birthday today to Mr. Pure Energy, Gary Valenviano! To celebrate his birthday, every Tuesday for the month of August and September, may concert si Gary V. sa Teatrino sa Greehills, San Juan City, tuwing 8:00 p.m., ang A Tuesdays With Gary.

Tonight, may trade launch muna ang concert at next Wednesday, Aug. 13, ang simula ng birthday concert ni Mr. Pure Energy.