Kaya malabong matuloy sa isang project ngayon Dalawang kumpanya na madalas mag-co-produce isinusuka ang dalawang bida

Malabong mag-co-produce si big movie company A sa isang project ni big movie company B nga­yon kahit marami na silang successful co-production ventures na nagawa. 

Totoo kayang ang main reason dahil isinusuka nila ang dalawang artistang bida sa project na gagawin ni big movie company B?

Rachelle Ann magpapakita ng naiibang concept

Mukhang suwerte ng Team Tropang Trending ang isa sa mga judge sa Sunday All Stars, si Pops Fernandez. Dahil sa fourth time na nag-judge si Pops, four times na rin silang nanalo sa best performance by a group. Ayon sa Concert Queen, tuwing magpi-perform ang grupo, now headed by Rochelle Pangilinan, napi-feel kahit ng audience ang message na ipinararating nila kaya sumasabay ang katuwaan nila sa bawat performer. 

Bale triple win din ang grupo dahil for the first time ay may dalawang nanalong best performers. First time pareho nina Kylie Padilla at Mark Bautista na hindi lamang mahusay kumanta kundi mahusay ding sumayaw. Next Sunday, Aug. 11, bago ulit ang set ng leaders ng bawat team at sa Tropang Trending, it’s Rachelle Ann Go’s turn magpakita ng naiibang concept para sa kanyang group.

Dennis at Tom lalagyan ng twist

Kahit anong sabihin ng katapat na soap ng My Husband’s Lover na napatumba pa rin nila sa ratings ang beki serye ng GMA 7, hindi naman naniniwala ang mga televiewer dahil kahit saan ay pinag-uusapan ang pinagbibidahan nina Dennis Trillo, Carla Abellana at Tom Rodriguez. Every night din, nagti-trending ito locally and worldwide. Tulad mamayang gabi, sa Day 41, ang pinakahihintay ay kung reresbak si Zandro (Keempee de Leon) matapos siyang bugbugin ng ama ni Vincent (Tom) dahil hindi nito matanggap na bakla ang kanyang pamangkin? Paano kung alam ni Zandro na bakla rin si Vincent, ibulgar kaya niya ito sa mga magulang nito, sina Gen. Armando (Roi Vinzon) at Elaine (Kuh Ledesma)?

At sa nakita ni Lally (Carla) kung paano halos patayin ni Gen. Armando si Zandro, pilitin pa kaya niyang mangumpisal si Vincent at umaming bakla rin siya sa parents niya? Si Eric (Dennis), muli ba siyang magsu-suicide dahil iniwanan siya muli ni Vincent? Ginawa na kasi niya itong noong unang iwanan siya ni Vincent. Tinanong namin si Suzette Doctolero, ang writer ng My Husband’s Lover, kung uulitin ni Eric na magpakamatay, sagot niya: “Wait for the twist.” 

Ano kayang twist iyon?

Thea ilo-launch na rin sa hapon

After Kim Rodriguez na ini-launch ng GMA Network, Inc. as their next big star via Kakambal ni Eliana, it’s Thea Tolentino who will be launched sa afternoon prime na Pyra: Ang Babaeng Apoy na ididirek din ni Dick Lindayag, kapalit ng show ni Kim sa Aug. 26. 

Makakatambal muli ni Thea si Jeric Gonzales, silang dalawa ang grand winner ng Protégé: The Battle For the Big Artista Break.