Concert nina Ogie at Regine sa Dubai kanselado!

Hindi matutuloy ang concert nina Ogie Alcasid at Regine Velas­quez sa Dubai sa July 5. Hindi umabot sa deadline at requirements ang producer ng show kaya nag-decide si Cacai Mitra na kanselahin ang concert na inaabangan ng mga Pinoy sa Dubai.

Si Cacai ang manager ni Regine at siya ang nakikipag-usap sa mga concert producer na interesadong kumuha sa serbisyo ng kanyang kapatid. Dahil hindi nakatupad sa usapan ang Dubai concert producer, ki­nansela na lang ni Cacai ang show nina Regine at Ogie kesa magkaroon ng aberya at sumabit sila.

Gawad Urian hindi inililihim

Ngayong gabi ang Gawad Urian na gaganapin sa NBC Tent, The Fort, Taguig City. At least, may press release ang mga miyembro ng Ma­nunuri ng Pelikulang Pilipino (MPP) tungkol sa kanilang awards night.

Hindi sila puwedeng sumbatan na inililihim nila ang pagbibigay ng parangal sa mga karapat-dapat na artista at pelikula. Hindi nila ginaya ang organizer ng isang award-gi­ving body na tahimik na nagdaos ng awards night. Ang ending, hindi dumalo ang winners na hindi yata alam na nominated at nanalo sila.

Member ng MPP si Butch Francisco pero hindi puwedeng ipalabas sa Startalk ang Gawad Urian dahil may kontrata sila sa Cinema One. Alive na alive pa rin ang network war ’no?!

Jackie Forster nag-aalala sa mga sasabihin ng mga anak

Walang dapat ikabahala si Jackie Forster dahil walang masamang sinabi laban sa kanya ang mga anak niya na sina Kobe at Andre.

Nag-alala si Jackie nang magpainterbyu sa Startalk ang mga anak nila ni Benjie Paras. Nag-worry siya na baka magsalita ang kanyang estranged sons. Hindi dapat mabahala si Jackie dahil maayos na napalaki ni Benjie ang kanilang mga anak. May respeto sa kapwa at mga nakatatanda ang mga bagets na pang-showbiz ang mga hitsura.

Love team nina Dennis at Tom pinataob sina Bea/jake at Barbie/Derrick

 Nabulabog kahapon ang 7th floor ng GMA Network Center dahil sa pag­da­­law nina Dennis Trillo at Tom Rodriguez.

News ang pagbisita ng dalawa dahil sila ang hottest love team bilang pinag-uusapan ang mga role nila sa My Husband’s Lover. Tinalbugan na nina Dennis at Tom ang love team nina Bea Binene at Jake Vargas; Barbie Forteza at Derrick Monasterio.

Hit na hit sa Pinoy audience ang kaba­di­ngan nina Dennis at Tom kaya sila ngayon ang itinuturing na hottest love team sa Kapuso Network.

Tiya Nena ni Tom nahalata

Tumaba nga si Tom Rodriguez dahil halata si Tiya Nena sa mga eksena niya sa My Husband’s Lover.

Lean na lean ang katawan ni Tom nang umapir siya sa remake ng Temptation Island. Malamang na may kinalaman sa magdamagan na taping ang pagtaba ni Tom dahil kapag puyat ang mga artista, napaparami ang pagkain nila

Hindi pa huli para magpapayat si Tom dahil nasa second week pa lamang ang My Husband’s Lover. May time pa siya para paliitin si Tiya Nena na beki word para sa tiyan.