Gusto na sanang magladlad noon pa, napigilan lang ng mga kaibigan:Sexy actor naglalandi na naman sa Amerika

Tahimik na naman ang mundo ng sexy actor dahil nagpunta siya sa Amerika para magbakasyon.

Type na type ng sexy actor na magbakasyon sa Amerika dahil dito lang niya nailalabas ang kanyang tunay na pagkatao. Hindi siya puwedeng maglandi sa Pilipinas dahil mabilis na kakalat ang tsismis na bading siya.

Actually, muntik nang aminin ng sexy actor ang kabadingan niya. Naawat lamang siya ng kanyang concerned friends dahil siguradong katapusan na ng showbiz career ng sexy actor kung itinuloy nito ang plano.

Walang plano na maging another BB Gandanghari ang sexy actor. Gusto lang niya na ipakilala sa buong mundo ang kanyang tunay na pagkatao pero too early pa. Wala pa nga siyang masyadong napapatunayan sa showbiz ’no?!

Vice Ganda nabuking, Kapuso dati bago naging Kapamilya

Ang sipag ng netizens dahil sila ang naka-discover ng mga video na magpapatunay na nagsimula ang TV career ni Vice Ganda sa GMA 7.
Starring noon si Vice Ganda at ang ibang mga stand-up comedian sa Comedy Central Market, ang gag show ng GMA 7 noong  2007. Payat pa si Vice Ganda sa mga eksena niya sa Comedy Central Market at Rica Reyes ang name ng kanyang karakter dahil siya ang impersonator ni Mama Ricky Reyes.

Lumitaw sa social media ang mga video ng Comedy Central Market dahil sa kontrobersiya ng panglalait ni Vice Ganda sa pagkatao ni Mama Jessica Soho. Umapir din si Vice sa SOP at sumali sa O Diva contest ng Eat Bulaga noong 2000. Malinaw na naging Kapuso muna si Vice bago siya naging Kapamilya.

Celebrity Bluff extended

Happy ang mga host at staff ng Celebrity Bluff ng GMA 7 dahil extended ang kanilang game show na napapanood tuwing Sabado.

Ang akala ng lahat, hanggang May 25 na lang ang Celebrity Bluff. Mali ang kanilang akala dahil extended ang game show nina Eugene Domingo, Wally Bayola, at Jose Manalo.

In fairness sa tatlo at sa show, nakakaaliw ang Celebrity Bluff dahil very informative at educational ito. May karapatan na ma-extend for another season ang programa na Pinoy na Pinoy ang concept.

Mike faithful sa GF, ’di puwedeng ahasin ni Maxene

Kontrabida si Maxene Magalona sa Mga Basang Sisiw. Bagay na bagay sa kanya ang maging kontrabida pero malabo ang mga haka-haka na baka magkaroon sila ng relasyon ni Mike Tan na kasali rin sa cast ng afternoon teleserye ng GMA 7.

Faithful si Mike sa kanyang nonshowbiz girlfriend. Pitong taon na ang kanilang relasyon at ho­ping si Mike na forever na ang pagsasama nila. Hindi sinasabi ni Mike ang name ng kanyang dyowa dahil wala naman itong kinalaman sa showbiz.

Ex-PAGCOR chief halos P2M ang ipipiyansa

Halos dalawang milyong piso ang piyansa ni former Philippine Amusement and Gaming Corp.  (PAGCOR) Chairman Efraim Genuino para sa mga kaso na isinampa laban sa kanya ng Sandiganbayan.

Nakilala ko ang dating PAGCOR chairman sa bonggang presscon ng Baler dati sa isang five-star hotel sa Maynila. Co-producer si Genuino ng pelikula na humakot ng awards sa 2008 Metro Manila Film Festival. Sina Jericho Rosales, Anne Curtis, at Phillip Salvador ang mga bida sa Baler.