Sikat na aktres, panget ang pagkaka-lipo ng braso

Ayon  sa isang reliable source, nagpa-lipo ng braso ang sikat na aktres. Kaso hindi naging maganda ang resulta dahil lumiit nga ang braso pero matambok pa rin ang likod. Kaya alanganing tingnan ang maliit na mga braso pero hindi akma sa laki ng likod.

May teleserye ang aktres na hindi maganda ang pagkaka-lipo kung saan isa siya sa mga bida.

AIAI inaming luka-luka sa pag-ibig

Mabuti na lang at hanggang maaga ay nagkahiwalay na sina Aiai delas Alas at ang pinakasalang si Jed Salang. Na-realize ng komedyana ang kanyang pagkakamali at sinabing luka-luka siya pagdating sa pag-ibig.

Nabawi naman nito kay Jed ang sportscar na ibinigay niya dito. Ang tanging konswelo ni Aiai ay ang kanyang anak na si Sancho na laging nasa tabi niya at sinasamahan ang ina sa mga lakad nito ngayon.

Raymart, naka-move on na sa hiwalayan nila ni Claudine

Tinanong namin si Rochelle Pangilinan na talent ng PPL kung hindi ba nalulungkot si Raymart Santiago dahil sa paghihiwalay nila ni Claudine Barretto nang minsang makausap namin.

Anang aktres-dancer ‘‘Magkasama kami ni Raymart sa Home, Sweet Home at wala kaming napupuna na problemado siya. Masaya siyang katrabaho, hindi masungit kaya alam naming naka-move-on na siya.’’

Masaya si Rochelle sa kuwadra ni Perry Lansingan kung saan nakapirma ito ng three-year contract.

Max at Benjamin nag-iisnaban na

Crush na crush ni Benjamin Alves noon si Max Collins kung saan nagsimula ang pagiging magkaibigan nila sa Coffee Prince.  Kinumusta namin ang binata sa kanya. Sinabi nito na hindi na sila nagkikita.

Wala na rin silang komunikasyong dalawa at nagkita lang sa Resorts World noong 50th Ananiversary ni Kuya Germs sa showbiz pero hindi naman siya binati nito.

Hindi na itinuloy ng aktor ang panliligaw sa magandang aktres dahil na-link naman ito kay Rachelle Ann Go.