Kandidatura ni Aga naging makulay

MANILA, Philippines - Nasilat pa ang Kapamilya actor na si Aga Muhlach sa pagiging congressman sana sa 4th District ng Camarines Sur. Ilang araw din naghintay si Aga at ang kanyang kampo sa bilangan na noong una ay nagunguna pa siya. Naging mahigpit ang labanan ng dalawa na sa unang bahagi ng bilangan ay nanguna pa si Aga.

Umalma ang kampo ni Aga dahil diumano sa discrepancies sa bilangan ng boto.

Sabi ng aktor sa panayam sa kanya ng News5 Aksiyon ng TV5, “Nalaman namin, we are getting all the ERs (election returns), we have one hundred thousand invalid votes, which is too much.”

Naging makulay din ang kandidatura ni Aga bilang kongresista dahil sa pagkuwestiyon sa residency status nila ng kanyang asawa na si Charlene Gonzalez-Muhlach.

Ngunit sa huli ay napatunayang nakaabot sila sa six-month residency requirement para maging lehitimong botante ng nasabing lugar.