Kasal ni AiAi sa Las Vegas hindi na shocking!

Hindi shocking ang balita na nagpakasal sa Las Vegas, Nevada sa Amerika si AiAi delas Alas at ang kanyang dyo­wang si Jed Salang.

Una, nasa legal age na ang dalawa. Puwede silang magpakasal kung kailan at saan nila gusto. Pangalawa, last year ko pa ibinabalita sa Startalk na magpapakasal sina AiAi at Jed.

December 2012 ang date na sinabi ko pero kailan lang natuloy ang pag-iisang dibdib nila. I’m sure, may mga inayos pa sina AiAi at Jed para makasiguro na walang magiging problema sa kanilang pag-iisang dibdib.

Ano pa ba ang puwede kong sabihin kundi best wishes? Maging forever na sana ang pagsasama nina Jed at AiAi dahil karapatan nila na lumigaya.

Nancy Binay nilalabanan ang stress sa panonood ng sine

Malakas ang recall ng campaign tag­line ni Nancy Binay, ang Nanay de Pa­mil­ya sa Senado. Lahat tayo eh may nanay at malapit sa ating mga ina kaya asintadung-asintado ng campaign tagline ni Mama Nancy ang puso ng masang Pilipino.

Nag-lunch date na kami noon ni Mama Nancy at na-feel ko ang sincerity niya habang nag-uusap kami.

Take note, updated si Mama Nancy sa showbiz news dahil mahilig siyang manood ng TV at sine. Knowing Mama Nancy, hindi nito palalampasin ang pelikula nina Sarah Geronimo at John Lloyd Cruz dahil stress buster niya ang panonood ng sine.

Ryzza Mae nang-aagaw na ng korona!

Sinampolan ni Ryzza Mae Dizon ang mga host ng Startalk ng mga question niya bilang host ng The Ryzza Mae Show.

Tinanong niya si Butch Francisco kung may girlfriend na at may-I-ask ng bagets ang kinikita ko sa mga binabati ko sa TV. Hindi ko sasagutin ang question ni Ryzza dahil TV host na rin siya. Hindi ko bibigyan si Ryzza ng chance na gayahin ang style ko ‘no?! Napakabata pa niya para mangharbat ‘no?! Hindi ako papayag na maagaw ang korona ko!

JV nakapaglabas ng ebidensiya na video

Intrigera at rumormonger ang reporter na source ng balita na inisnab ni Congressman JV Ejercito sa isang campaign rally ang kanyang pamang­kin na si Janella, ang anak ni Sen. Jinggoy Estrada.

Intrigera ang reporter dahil klarung-klaro sa video na nagbatian ang magtiyuhin. Hindi naman siguro malabo ang mata ng reporter para itsismis niya na inisnab ni Papa JV ang anak ni Papa Jinggoy.

Ang feeling ni Papa JV, biktima ito ng demolition job dahil hindi siya nauubusan ng mga eskandalo. Heto ang message ni JV sa nilalang na nagkalat ng maling tsismis:

“Wow mali! Persons behind the effort to destroy my character fell flat on their faces as i was able to obtain a video of the so-called snubbing incident from another angle. Better luck next time guys! The reporter still has a lot of explaining to do. Mahirap manira ng mabait na tao. Sorry na lang!”