Ryzza nasanay na sa bampira

Sakay na ng kanyang black Kia Cerene ang new child wonder na si Ryzza Mae Dizon nang mag-attend ng presscon ng first sitcom niya sa GMA 7, ang Vampire ang Daddy Ko. Join siya sa buong cast ng sitcom na sina Vic Sotto, Oyo Sotto, Glaiza de Castro, na medyo na-late dahil galing sa taping ng Temptation of Wife, Derrick Monasterio, Korean actress na si Jin Ri Park, Anjo Yllana, si Jackie (da­ting Jinky) Oda, at Direk Bibeth Orteza. Nakahabol si Sef Cadayona, pero wala si Bea Binene na may photo shoot ng isang bagong endorsement. Wala rin sina Pilita Corrales at Jimmy Santos na gumaganap na si Small, ang tatay ni Big (Ryzza Mae).

Inamin ni Ryzza na takot siya sa vampire at sa taping kapag naka-makeup na ang gumaganap na vampire. Natatakot siya pero masasanay din daw siya. Natanong namin ang mommy ng bata kung maagang na­tu­tulog ang anak. Kapag wala raw work, maaga talagang natutulog si Ryzza dahil pumapasok muna ito sa St. John the Baptist School sa Tondo, Manila, bago sila pumunta sa Eat Bulaga. Sa March 15 ay guest si Ryzza sa Jose at Wally: Juan for All Concert sa Smart Araneta Coliseum at sa tanong kung ano ang gagawin niya, ngumiti ang bagets, hindi pa raw niya alam.

Enzo tinitiis ang pakikipag­halikan ni Louise sa iba

Inspirasyon ni Enzo Pineda ang girlfriend na si Louise delos Reyes pero inamin niyang nagseselos din siya, tao lamang siya, kapag napapanood niya si Louise noon sa drama series na One True Love na nakikipag-kissing scene sa leading man nitong si Alden Richards. Masakit daw sa kanya pero pinapanood pa rin niya dahil nakikita niya kung gaano kahusay na aktor si Alden. Pero kung minsan kapag hindi na niya kaya, umaalis na siya sa harap ng TV. Alam naman niya dahil ikinukuwento ni Louise ang mga eksenang ginawa. 

Ayaw din niyang bigyan ng pressure ang girlfriend dahil alam naman niyang trabaho lamang iyon.

This year ay natuto siyang mahalin ang sarili niya pero hindi naman siya nagkukulang kay Louise pagdating sa kanilang love life pero ang wish niya rito ay lalong maging successful lalo pa at may bago itong soap, ang Ang Mundo Mo’y Akin.