Ate Gay at Ethel Booba umayaw na sa Wowowillie?

MANILA, Philippines - Type ng mga taong panoorin si Ate Gay sa Wowowillie dahil medyo bago ang mga joke nito. Ayaw ng ibang tao nang paulit-ulit na jokes at nanglalait ng kapwa. Gusto nila patawa lang.

Bongga ang team up nila ni Ethel Booba. Halatang paborito sila ngayon ng TV host ha? Pero teka, true ba na hindi na sinisipot ni Ate Gay ang Wowowillie? Maging si Ethel din daw ay hindi na rin sumisipot.

Ano kayang problema sa kanila? O baka naman sila ang may problema sa mga kasamahan sa programa.

Sen. Miguel hindi makakalimutin

Nalulungkot pala si senatorial candidate Miguel Zubiri dahil nalaglag sa grupo nila sina Sen. Chiz Escudero at Sen. Loren Legarda. Kaibigan daw kasi ng mga ito si Grace Poe-Llamanzares na anak ng paborito niyang si Fernando Poe, Jr.

Hanga kami sa senador dahil kahit matagal kang hindi nakikita, hindi ka niya makakalimutan. Ang yumaong Mama Elay ang nagpakilala sa amin sa kanya noon.

Ejay biglang nawawala sa eksena

Nasaan na ba si Ejay Falcon? Bakit tila yata biglang dumalang ang project niya sa ABS-CBN?

Sayang kasi paulit-ulit na lang ang mga artistang napapanood kaya’t naghahanap ang TV viewers ng bagong idol. Saan kaya nagkamali o nagkulang si Ejay?