Kris magre-retiro na sa teleserye

Sa kanyang Twitter account ay inanunsyo ni Kris Aquino na last teleserye na raw niya ang Kailangan Ko’y Ikaw na kasalukuyang napapanood sa primetime slot ng ABS-CBN kung saan ay kasama niya sina Robin Padilla and Anne Curt.

May nagkomento ng “please don’t retire yet. You’re my one and only favorite STAR” with a sad face at sinagot naman niya ng “I’m not retiring, just prioritizing. It was my dream to become an actress- but my talent isn’t in becoming a character, but just being me.”

Mukhang magko-concentrate na lang si Kris sa hosting after KKI lalo pa nga’t her Kris TV every morning is doing very well.

Tweet pa niya, “Kris Tv remains strong & is an excellent venue for us to connect, PGT4 (Pilipinas Got Talent Season 4) will start Feb 16 already & they r so optimistic because it is fresh.”

 Ini-reveal din niya sa kanyang Twitter account na may bago pa siyang show ulit na parating.

“There’s a new show in the horizon & I know u will enjoy that because u keep telling me u miss me in that format. Things do fall into place,” tweet pa ng Queen of All Media.

Inamin din niya na na-sad siya after ng meeting with ABS-CBN executive Cory Vidanes dahil aniya, male-late raw ng airing ang KKI, na tingin namin ay magsisimula sa Feb. 11, Monday, kapag pumasok na ang bagong seryeng Apoy sa Dagat na pinagbibidahan naman nina Angelica Panganiban, Die­ther Ocampo, and Piolo Pascual.

“Later time slot for KKI. Afraid you’ll be all asleep,” tweet ni Kris.

May nagtanong din kung ano ang reaksiyon niya sa selos factor ni Mariel Rodriguez at simpleng sagot lang niya, “We spoke and we are friends.”

Needless to say, dedma na lang si Kris sa pagtalak ni Mariel last Tuesday night after ng airing ng wedding and honeymoon scene nila ni Binoe sa KKI.

Richard Chen patuloy ang paglakas

We learned na nag-resign na pala si Ri­chard Chen sa kanyang pinapasukang advertising company dahil hindi na rin daw kasi siya nakakapasok since nagsunud-sunod na nga ang projects niya sa ABS-CBN after My Binondo Girl.

Sobrang thankful nga raw niya na patuloy ang pagtangkilik sa kanya mula sa My Binondo Girl kung saan ay nakilala siya bilang Papa Chen hanggang dito sa Be Careful with My Heart bilang Sir Chief.

Sobrang lakas ng impact ng love team nila ni Jodi Sta. Maria at talagang napakaraming sumusubaybay ng serye nila tuwing umaga and for this, labis-labis daw ang kanyang pasasalamat.