Jessica hindi pa kaya ang Araneta?

Malakas ang duda namin na ‘di gaanong kikita  ang concert ni Jessica Sanchez, at ang nakapagtataka pa, bakit Smart Araneta Coliseum ang kanilang pinili para sa kanya? Hindi naman masasabing ganun siya kasikat sa Pilipinas para mapuno niya ang isang napakalaking venue.

Siguro iba ang dating kung siya nga ang na­nalo sa American Idol. Kaso hindi naman siya nanalo eh. At sa totoo lang maraming Pinoy ang nainis din sa kanya dahil sa kanyang mga aksiyon matapos na matalo sa American Idol dahil parang sinabi pa niya sa atin na hindi siya isang Pinay.

Hindi ba mas pinili pa nga niyang kantahin ang national anthem ng Mexico sa isang laban ni Manny Pacquiao kesa sa national anthem ng Pilipinas?

Aga nag-mature na!

Wala namang ipinapangako si Aga Muh­lach sa mga taga-Camarines Sur kung hin­di ang sigu­ru­­­hin niyang ma­ta­tanggap ng mga iyon ang lahat ng maaari nilang makuha mula sa gobyerno, ma­­kalikha ng hanapbuhay para sa kanila, at maa­sikaso lalo na ang mga farm to market roads na ma­katutulong sa mga magbubukid at sa consumers din.

“Ang masasabi ko lang, kung ano iyong pondo na dapat gas­tusin para sa kanila, gagastusin iyon para sa kanila. Hindi mapupunta iyon sa kung anu-anong bagay,” sabi ni Aga.

Ngayon ay maraming sinasabing katiwalian kasi nga may sinasabing malalaking bonus na napunta sa mga congressman. Paano kung dumating sa kanya ang ganoon?

“Iyon naman ang isang bagay na sinabi ko. Ako, gagampanan ko kung anuman ang tungkuling ipagkakatiwala sa akin ng bayan pero kung hindi naman busy at puwede naman tatanggap pa rin ako ng trabaho. Artista pa rin naman ako at hindi ko maiiwan ang showbusiness. Kailangan ko rin naman iyon para kumita.

“Kaya nga kung anuman ang sinasabi nilang mga ganyang pondo, ibabalik pa rin natin ’yan sa mga tao. Ibabalik natin sa bayan. Sinasabi ko nga basta kung ano man ang makukuha natin, para sa kanila lahat iyon,” sabi ni Aga.

Pero marami ang nagsasabi ngayon, baka hindi pa rin tigilan ng iba si Aga? May mga nagsasabi raw kasing hindi siya titigilan ng demanda.

“Iyon nga eh. Sana pabayaan na lang nila ang mga mamamayan ang humatol sa amin. Ito namang posisyon dapat paglabanan sa isang eleksi­yon para mangibabaw ang damdamin ng bayan. Hin­di sa mga korte dahil lamang sa pagpipilit ng ilan na manatili sa kapangyarihan,” sagot sa amin ni Aga.

Matagal na naming kilala ang aktor at nga­yon nga ay nakikita namin sa kanya ang maturity.

Bold actress naninira lang pagkatapos matulungan kaya tinanggihan na ng bugaw

Lumapit na ang isang dating sikat na bold actress sa isang kilalang showbiz pimp at nagpapahanap nga ng client. Pero tinanggihan na siya ng bugaw kasi nga minsan tinutulungan mo na ang bold actress sinisiraan ka pa.