Sa rami ng tigidig: Sikat na young actress, ang dumi ng mukha!

Nagmukhang ordinaryo ang isang young actress sa kanyang pelikula dahil hindi naalagaan ang kanyang makeup. Kitang-kita ng madla na hindi pala talaga flawless ang mukha ng iniidolong bagets na leading lady. Mas makinis pa ang dalawang senior actress na kasama niya at ang isang young actor

Napansin na rin ang kanyang mukha sa huli niyang ginawang teleserye pero mas naitago ang mga tigidig ng teen idol sa TV kesa sa pelikulang nilabasan niya.

Kaawa-awa naman ang tisay, mukha pa naman siyang mabait dahil maka-pamilya at magaling pang umarte. Baka katagalan kasi ay matabunan siya ng mga kasabayang ganda ang puhunan.

May ginagawa pa naman silang pelikula ng magaling ding umarteng aktor. Baka kung sa TV ay hindi masyadong halata ang maliliit pero marami niyang pimples sa may bandang panga, sa pelikula ay ma-zoom in naman ang kanyang mukha.

Pero siguro naman dahil malaking movie production ang nasa likod ng ginagawa pa lang na pelikula ng young actress ay hindi ito matulad sa indie film na kanyang nilabasan.

Megan Fox ‘pinatay!’

Si Megan Fox ang unang celebrity na “pinatay” ng Twitter sa pagpasok ng 2013.

Marami naman ang naki-hashtag sa RIP Megan Fox kaya nag-trending ang Hollywood actress na nawalan na ng career pagkatapos umatras sa ikatlong The Transformers.

Hindi malaman kung saan nagsimula ang “pagpatay” kay Megan at kung bakit. Matagal na siyang walang pelikula at kasalukuyang nag-aalaga ng kanyang baby. Masaya at kuntento siya sa buhay may-asawa.

Valentine concert nina Martin/Pops at Ogie/Regine pang-mature audience

Pagpasok pa lang ng taon ay mga nauuna na sa pagpo-promote ng Valentine event. Wala pang kongkretong balita tungkol sa mga pelikula ng magkakalabang istasyon pero may concert na nauna nang magparamdam.

Ito ay ang Feb. 14 show mismo nina Martin Nievera, Pops Fernandez, Ogie Alcasid, at Regine Velasquez.

Ipinapalabas na ang video plug ng Foursome Valentine concert nila sa mga sinehan na parang isang malaking TV commercial. Todo-pictorial ang apat na may spice ng sex pa — magkakasama silang apat sa iisang kama na nakatakip ang mga katawan sa puting kumot.

Obvious namang pang-mature audience ang niluluto ng ex-couple na sina Martin at Pops at ng mag-asawang Ogie at Regine. At dahil sensual ang dating ng apat sa Foursome, abangan na ang pagiging naughty nila kahit hindi pa tanungin ng press. 

May ipare-rebyu? E-mail: [email protected]