Producers na kasali sa MMFF, kanya-kanyang habol sa deadline

Lahat yatang network at mga producers na kasali sa Metro Manila Film Festival ay ngarag ngayon shootings nila.  May deadline kasi ng submission ng finish product ang Screening Committee ng MMFF sa second week ng December. Ang mga TV networks naman, kailangan nilang mag-advance ng tapings para naman may Christmas vacation sila. 

Si direk Gina Alajar, kahit dinidirek niya ang Magdalena: Anghel sa Putikan ni Bela Padilla, nasa second unit siya ng Temptation of Wife ni Ma­­rian Rivera at nasa first unit naman si direk Dom Zapata. Paalis kasi sina Dingdong Dantes at Marian sa Dec. 6 para manood ng boxing ni Pambansang Kamao Manny Paquiao sa Las Vegas on Dec. 8.  May uncle si Dingdong sa Las Vegas at inimbita na rin niya si Marian na sabi’y kasama rin sa one week vacation ang mommy niya. Last shooting day naman ngayon ni Dingdong ng One More Try entry ng Star Cinema sa MMFF.

Nag-advance na rin si Dingdong ng taping ng Pahiram Ng Sandali na may replay ngayong umaga, bago ang Party Pilipinas.

JV pasadong singer

Si Congressman JV Ejercito Estrada ang nagpasimulang magpasalamat sa mga entertainment press last Nov. 30. Ngayon lamang namin nalamang maganda rin pala ang boses ni Cong. JV na sa request ng mga press ay ilang beses nagparinig ng songs plus a Christmas song, bago namigay ng mga raffle prizes.  Naitanong namin kay Cong. JV kung kailan ang inauguration ng bagong city hall ng San Juan na inilipat na nila sa Pinaglabanan St. mula sa N. Domingo St.  Ngayong December na ang inauguration at tatawagin nila ang new San Juan City Hall at Pinaglabanan Shrine na The Beacon of Freedom.

That morning, Honorary Guest nila si Pres. Noynoy Aquino sa celebration ng Andres Bonifacio Day.

Pinoy champs sanib-puwersa para tapatan si Sarah

Magsasanib-puwersa ang mga ASAP Pinoy Champs na sina Yeng Constantino at KZ Tandingan laban sa Pop Princess na si Sarah Geronimo sa centerstage ng Sarah G: Live at 8:15pm sa ABS-CBN. 

Makakasama rin ni Sarah sa isang big production numbers sina Roselle Nava, Bryan Termulo, Bugoy Drilon at Edgar Allan Guzman. May dance showdown din si Sarah sa mga dancing divas na sina Geneva Cruz at Regine Tolentino.  Sa kanyang Sige, Go  segment, magiging parol maker si Sarah sa hometown niya sa Pampanga.