Billy Crawford, magpapakilala naman sa US

Sa sobrang busy ni Billy Crawford sa kanyang trabaho, nag-time out lang ito at last minute na nag-decide na umuwi ng ‘Pinas. On the way sa airport na lang niya tinawagan si Kuya Germs at sinabing gusto niyang kumain ng danggit at magbabad sa Boracay.

Kung ang ibang stars o politician pa ang tulad ni Billy na nagbibigay din ng pride sa ating bansa sus! promise, nag-demand na ito ng red carpet o hero’s welcome. Samantalang si Billy na gumawa ng malaking pangalan sa Europe at ngayon ay magpapakitang gilas naman sa US ay ayun, ayaw pa ring ipag-ingay ang kanyang mga achievements.

Ang kababaang loob ay natutunan daw niya sa mga big stars na nakatrabaho at naging kaibigan niya tulad nila Mariah Carey, Celine Dion, Justin Timberlake, at marami pang iba.

May librong sinulat si Billy na na-published sa Europe na pinamagatang La Musique and Moi (My Music and Me!).

"It’s about my life. Kung paano ako nagsimula, lahat-lahat as a performer, as songwriter, my career and all," sabi ni Billy.

Bukod dito, meron na rin siyang clothing apparel sa Europe, Billy Crawford Clothing Line ang name at lahat ng damit nito ay may tatak na Philippine flag.

Last April ’06 ay binili ni Britney Spears ang kanta ni Billy na "Beautiful Night" na isasama sa ginagawang album ng lady singer. Naka-back to back din ni Billy si Celine Dion sa soundtrack anime movie na Asterix sa Europe.

Noon pa man ay kaibigan na ni Billy si Justin Timberlake at itinuro sa kanya ang sikreto nito sa song composition at production business.

Dadalhin ni Billy sa US ang kanyang tour bus na naglalaman ng 14 beds para sa kanyang mga staff. Bukod pa rito, may sarili itong living at master bedrooms. Naka-schedule silang umikot sa 50 states for 6 months pagbalik nito sa US.

Ganito rin ang nature ng trabaho ni Billy sa Europe. Ngayon naman ay tumalon siya ng LA at susubukang maka-penetrate sa Hollywood.

"I’ve been everywhere, to Switzerland, Norway, Sweden, Paris at sa kasuluk-sulukan ng Europe. At ngayon, maglilibot naman ako sa US. Pero hindi pa ako nakakapunta sa sulok ng sarili kong bansa. Nung bata ako, promise ko kay mommy na pag successful na ako ay babalik ako sa Pilipinas. I’m gonna show them something na hindi pa nila nakikita sa akin. At sa tingin ko, ito na yung tamang panahon ng pagbalik ko," kuwento ni Billy.

Sa pakikipagtulungan ng Gawad Kalinga, mamimigay si Billy ng pabahay sa mga kababayan nating talagang walang-wala pagbalik uli nito sa bansa.