Pusa sa Minnesota na mahaba ang buntot, nakatanggap ng Guinness World Record
ISANG pusa sa Minnesota, U.S.A. ang opisyal na hinirang bilang Guinness World Record holder dahil sa mahaba nitong buntot na may sukat na 18.5 inches!
Ang pusa na pinangalanang si Pugsley ay pagmamay-ari ni Amanda Cameron at kanyang pamilya.
Ayon kay Cameron, matagal na nilang napapansin ang kakaibang haba ng buntot ni Pugsley.
Maging ang beterinaryo ay nagtaka sa kakaibang haba ng buntot ni Pugsley.
Naisipan nina Cameron na mag-research sa Guinness World Records. Nagulat sila sapagkat mas mahaba ang buntot ni Pugsley sa kasalukuyang record holder.
Bukod sa pagiging Guinness title holder, si Pugsley ay kilala rin bilang palakaibigan at chill na pusa.
Dahil sa pagiging maamo, madalas na pinagkakaguluhan si Pugsley at tinatawag pang “local celebrity” sa kanilang lugar.
- Latest
