Mayang (90)

Sunod na pinasyalan nina Jeff, Mayang at ­Jeffmari ay ang Luneta. Itinuro ni Jeff sa anak ang monumento ni Dr. Jose Rizal.

“Sino ba si Rizal, Jeffmari?’’ tanong niya sa anak.

“Siya po ang pambansang bayani!’’

“Ang talino ng anak ko!’’

“Itinuturo po yan sa ­aming school, Daddy.’’

“Kaya kabisado mo na si Rizal?’’

“Opo.’’

“Sino ba ang nagtuturo sa’yo kapag mayroon kayong exam?’’

“Si Mommy po.’’

“Mahusay magturo si Mommy?’’

“Opo.’’

“Mula bukas, ako na ang magtuturo sa’yo. Marami akong ituturo sa’yo.’’

“Yehey!’’

Hanggang sa mapansin ni Jeffmari ang dalawang sundalo na nagbabantay sa monumento ni Rizal.

“Daddy bakit binabantayan ang monumento ni Rizal.”

“Siyempre dahil pambansang bayani siya. Noon pa binabantayan na si Rizal ng dalawang sundalo.’’

Napatango na lang si ­Jeffmari.

Nahalata ni Jeff na talagang matalino ang anak. Marami itong makabuluhang tanong lalo na sa kasaysayan ng Pilipinas.

Matapos sa Luneta ay sa Fort Santiago naman ipinasyal ni Jeff ang mag-ina. Masayang-masaya si ­Jeffmari.

Pasado alas diyes na ng gabi sila nakauwi sa condo.

Tulog na tulog si ­Jeffmari dahil sa pagod.

Habang natutulog, nagkasarilinan sina Jeff at Mayang.

“Ang ganda mo pa rin Mayang.”

“Bola.”

“Totoo.’’

“Paano ko mapapatunayan?’’

“Hahalikan kita—sa lips—walang bitawan!’’

Nagtawa si Mayang.

“Totoo?’’

“Oo.”

“Gawin mo.”

(Itutuloy)