Lalaki na nakagawa ng pinakamataas na sombrero sa buong mundo, nakatanggap ng Guinness World Record!
ISANG lalaki sa Pennsylvania, U.S.A. ang nakapagtala ng world record matapos niyang magawa ang pinakamataas na sombrero sa buong mundo!
Kinumpirma ng records keeping organization na Guinness World Records na si Joshua Kiser ang pinakabagong record holder ng titulong “World’s Tallest Hat” matapos siyang makagawa ng sombrero na may taas na 17 feet and 9.5 inches.
Ayon kay Kiser, taong 2020 nang planuhin niyang makagawa nang pinakamataas na sombrero sa pag-aakalang madali lang itong gawin. Kasagsagan noon ng COVID-19 pandemic at kasasara lang ng pinasukan niyang kolehiyo nang maisipan na higitan ang previous record nito na 15 feet and 9 inches.
Matapos ang apat na taon, nabuo ni Kiser ang sombrero gamit ang pinagdugtung-dugtong na tubo ng alulod (downspout) na gawa sa aluminum. Ang kabuuan ng sombrero ni Kiser ay may bigat na 11.9 kilograms.
- Latest
