Kotse na nag-bungee jumping, nakatanggap ng Guinness records!

ISANG professional stunt driver ang nakapagtala ng world record matapos siyang mag-bungee jump sakay ng isang kotse!

Kinumpirma ng records keeping organization na Guinness World Records na si Laurent Lasko ang pinakabagong record holder ng titulong “Highest Car Bungee Jump”. Ito ay matapos siyang mag-bungee jump sakay ng isang sports utility vehicle mula sa isang crane na may taas na 213 feet.

Naganap ang record breaking attempt ni Lasko sa isang business district sa Puteaux area sa Paris, France.

Ayon sa nag-organisa ng record breaking attempt, ang ginamit na bungee cord para rito ay gawa sa walong matitibay na cord para makasigurado na safe ang pagtalon nito.

Matapos ang matagumpay na bungee jumping, agad pinarangalan ng certificate si Lasko ng Guinness adjudicator. Bukod sa pagiging stunt driver, si Lasko ay isang ring professional car racer.