Maid of Honor (229)
TINAWAG ni Rocky si Darwin.
“Kunan mo nga kami Darwin habang yakap ang babaing mahal ko.’’
“Sige po Kuya, Ate. Okey ready…’’
Kinunan sila ni Darwin sa iba’t ibang anggulo.
“Ikaw ang witness Darwin na sobrang mahal ko si Ate Inah mo.’’
“Opo Kuya. Magpakasal na kaya kayo. Tapos dito sa resort ang reception. Kahit gaano karami ang bisita, kayang-kaya.’’
“Darating tayo riyan Darwin, di ba Inah?”
Tumango si Inah.
“Kapag tumawag ka kay Yana, sabihin mo sa kanya na nagkita na tayo. Sabihin mo na rin na nagkakaintindihan na tayo—I mean, mag-sweetheart na tayo.’’
“Sige mamaya pagdating natin sa bahay tatawagan ko si Yana. Tiyak na magugulat yun.’’
“Gusto kong malaman nila na narito na ako para naman matapos na ang kanilang pag-iisip na baka kung ano na ang nangyayari sa akin.’’
“Oo nga. Siguro hindi agad maniniwala si Kuya Honor na narito ka na.”
“At tiyak magugulat yun kung paano kita napasagot.’’
“Sasabihin ko na ginayuma mo ako, he-he-he!’’
Nagtawa si Rocky.
Pagdating nila sa bahay, tinawagan agad ni Inah si Yana.
“O Inah, kumusta? Ngayon ka lang napatawag? Busy ba lagi?”
“Oo Yana. Maraming trabaho sa resort.”
“E mabuti at nakatawag ka ngayon?’’
“Meron kasi akong magandang balita.”
“Ano yun?’’
“Nakita ko na si Kuya Rocky!’’
“Ha? Totoo?’’
“Oo. Narito siya sa resort.’’
“Anong nangyari sa kanya at matagal na nawala?’’
“Na-depress siya. Napabayaan ang sarili.’’
“Mabuti at nakabangon siya sa depression?’’
“Oo nga. Nang makabangon, agad siyang nagtungo rito.’’
“Mabuti at may kasama ka riyan. Sana hindi siya umalis.’’
“Hindi na siya aalis, Yana. Magkasintahan na kami!”
“Ha?’’
(Itutuloy)
- Latest
