Sa pag-ibig lang suwerte si Roque!

NABOKYA ni Cong. Johnny Pimentel si Harry Roque. Tuluyan nang inamin ni Roque na pag-aari nilang mag-asawa ang bahay sa Pinewoods Golf and Country Club na ang nakatira ay mga pugante mula sa China.

Hindi naduro ni Roque si Pimentel tulad nang pagtataray na ginawa niya kay Sen. Risa Hontiveros. Lalaki lang talaga ang katapat!

Naging Kabayan party-list congressman si Roque noong 2016 pero isinuka siya ng mga kasamahan noong 2017. Ambigat nun!

Nakasama siya sa tiket ng UniTeam bilang senador noong 2022 pero natalo.  Hanggang nabaling siya sa POGO!

Naging abogado ni Whirlwind Developer Casandra Lee Ong na nagpakilalang service provider ng POGO. Out of service na ang Whirlwind at wanted si Lee Ong. Malas talaga!

Kabahagi siya ngayon ng ipinasarang SMNI ni Pastor Apollo Quiboloy na wanted ng batas dahil sa maraming kaso. ‘No ba yan!