Magician sa Malaysia, nakatanggap ng Guinness Record dahil sa mabilis nitong magic tricks!

ISANG magician sa Malaysia ang nakapagtala ng world record matapos itong mag-perform ng 17 magic tricks sa loob ng ilang minuto.

Kinumpirma ng records keeping organization na Guinness World Records na si Avery Chin ang pinakabagong record holder ng titulong “Most Stage Illusion Tricks Performed in Three Minutes” matapos itong makapag-perform ng 17 magic tricks and illusions sa loob ng tatlong minuto.

Ang ilan sa mga magic tricks na ginawa ni Chin ay ang pagpapa-appear at disappear ng mga bagay, paggamit ng higanteng baraha at pagla­lagay ng polka dots sa isang dating blankong panyo. Ang world record title na ito ay dating hawak ni Magician Alwin ng India kung saan mayroon siyang record na 11 magic tricks.