Saligang Batas ang salarin!
KONTAMINADO ng korapsyon ang pamayanan natin dahil sa pulitika. Karamihan ng campaign contributors, iligalistang bumibili ng proteksyon.
Hindi pa talamak ang bawal na droga, jueteng pa lamang ang namamayagpag sa maraming probinsiya na protektado ng mga local officials.
Kalaunan, sila na mismo ang naging operators. Halimbawa rito ang Paroginog political clan ng Misamis Occidental.
Walang magawa kahit ang matitinong miyembro ng PNP dahil ayon sa Saligang Batas, nasa ilalim ito ng kapangyarihan ng mga lokal na opisyal.
Saligang Batas na naging gapos sa kamay ng alagad ng batas. Maliwanag ba?
Ilan lamang sa mga senador at kongresista ang umaakma na repasuhin ito. Karamihan sa kanila, gusto ring maging governor o mayor pagkatapos ng termino sa senado at kongreso.
Kaya karamihan sa kanila, ayaw sa Charter change. Ganun na nga!
Nangangalap ng suporta ngayon sa governors at mayors ang mga kakandidatong senador sa 2025 election.
Naglipana na rin ang mga organisadong image maker na pakawala ng campaign strategists gamit ang social media. Tumalab kaya?
- Latest