Kulto ng pulitika sumisira sa PNP
NASISIRA ang imahe ng PNP dahil nahaluan ang hanay nila ng mga walang kaalaman sa pagpapairal ng batas.
Maraming pulis na ang naipakulong sa karsel ng kongreso at senado dahil ang naging depensa ng mga ito ay nabistong kasinungalingan.
Gumagastos ang gobyerno ng P6 bilyon sa PNP upang mangalaga sa mamamayan pero sila ngayon ang mas kinatatakutan dahil naging salot ng lipunan. Kawawa naman ang matitinong pulis. Dumami na ang mga kabaro nilang naging protektor ng mga delingkuwenteng pulitiko.
Impluwensiya ng mala-kultong pulitika ang dahilan kung bakit sumasama ang imahe ng PNP. Nagiging bulag na tagasunod ng mga pulitikong pinaglilingkuran nila. Adopted cult members na sila!
Kung maisasabatas na maalis sa impluwensiya ng mga lokal na opisyales ang kapulisan, magkakaroon tayo ng mas maayos at pantay na pamamalakad. Posibleng magawa ito ng legislators kung gugustuhin. In aid of legislation nga di ba?
Sinisira ng mga pulitikong anay ng lipunan ang institusyon ng PNP. Gantihan natin sila sa 2025.
- Latest