50 payo mula sa 87-anyos na lolo

• Kung makikipagkamay, gawin itong mahigpit.

• Tumingin sa mata ng kausap.

• Kumanta habang naliligo.

• Bumili ng stereo na maganda ang tunog.

• Kung makikipagsuntukan ka, siguraduhing malakas ito at ikaw ang mauunang sumuntok.

• Itago ang lihim na ipinagtapat sa iyo hanggang sa hukay.

• Huwag sumuko. May milagrong nangyayari araw-araw.

• Tanggapin mo ang sinumang gustong kaibiganin ka.

• Magpakita ng tapang kahit pinepeke mo lang ito. Walang makakapagsabi ng pagkakaiba ng totoong matapang at nagtatapang-tapangan lang.

• Sumipol.

• Iwasang maging sarcastic sa pananalita.

• Piliing  mabuti ang pakakasalan mo.

• Kapag tutulong ka, huwag mo itong ipagkakalat.

• Ipahiram lang ang iyong libro na hindi importante sa iyo.

• Hayaan mong mangarap ang isang tao. Huwag mo itong kokontrahin. Baka iyon na lang ang pinanghahawakan niya.

• Kapag nakikipaglaro sa mga bata, sadyain mong magpatalo. Dadalhin nila ang kanilang panalo hanggang paglaki.

• Magbigay ng second chance pero huwag ang third chance.

• Maging romantic.

• Maging pinakapositibong tao at masigasig sa lahat ng bagay.

• Mag-relaks paminsan-minsan maliban lang kung life and death ang sitwasyon.

• Huwag hayaang abalahin at putulin ng tawag ng telepono ang “important moments” mo. Ang telepono ay para sa convenience mo at hindi sa caller mo.

• Maging mabuting talunan.

• Maging mapagkumbaba sa oras ng panalo.

• Mag-isip ng dalawang beses bago mo ipagtapat sa isang kaibigan ang iyong sikreto. Alalahanin mo, may kaibigan din siya na hindi mo kaibigan.

• Kapag niyakap ka ng isang kaibigan, hayaan mong siya ang unang bumitaw.  (May karugtong)