^

Punto Mo

EDITORYAL - Tiyakin, kaligtasan ng mga pasahero

Pang-masa
EDITORYAL - Tiyakin, kaligtasan ng mga pasahero

DALAWAMPU’T SIYAM ang namatay sa nasunog na M/V Lady Mary Joy 3 noong Miyer­kules ng gabi habang naglalayag sa Baluk-Maluk Island sa Basilan. Patungong Jolo, Sulu ang barko galing­ ng Zamboanga City nang sumiklab ang sunog. Ina­alam pa ang dahilan ng sunog. Ayon sa report ang barko ay may 430 na pasahero. Ayon sa Phi­lippine Coast Guard (PCG) 230 ang nailigtas na pasahero­. Ayon pa sa PCG, karamihan umano sa mga namatay ay dahil sa pagkalunod.

Ang pangyayaring ito ay nagpapaalala sa trahedya ng MV Doña Paz na nasunog din nang maka­banggaan ang MT Vector noong Disyembre 1987 sa Tablas Strait sa pagitan ng Romblon at Mindoro. Pinakamatinding trahedya sa kasaysayan ang Doña Paz kung saan 6,000 katao ang namatay. Marami sa mga namatay ay nasunog nang magtalunan sa tubig. Ayon sa report, overloaded ang barko nang maganap ang trahedya.

Marami pang trahedya sa barko ang naganap sa bansa. Paulit-ulit na lang ang mga pangyayari. At sa kabila ng mga ito, marami pa rin ang hindi nagkakaroon ng leksiyon. Ipinagpapatuloy pa rin ang pagyaot kahit overloaded sa pasahero. Marami rin na ipinipilit ibiyahe ang barko kahit hindi na puwede dahil sa kalumaan. Mayroong pinipeyk ang mga papeles ng barko para makapatuloy ng biyahe.

Ang lumubog na MT Empress Princess sa Naujan, Oriental Mindoro ay sinasabing lumang barkong pamasahero na kinumpuni lamang umano at gina­wang tanker. Nang lumubog ito noong Pebrero 28, may karga itong 800,000 litro ng indusrial oil. Tumapon ang langis at naperwisyo ang mara­ming bayan sa Oriental Mindoro. Nagugutom na ang mga mangingisda dahil bawal silang pumalaot.

Ngayong Semana Santa, dadagsa na naman sa mga pantalan ang mga taong uuwi sa probinsiya. Marami ang sasakay sa barko. Maging mahigpit sana ang Philippine Coast Guard sa pag-iinspeksiyon sa mga barko. Huwag payagan ang overloading­. Tiyakin din na nasa magandang kondisyon ang mga barko bago ito payagang makaalis sa port. 

Matuto na sa mga nangyaring trahedya. Hindi na dapat maulit ang mga kalunus-lunos na pangya­yari sa karagatan na maraming buhay ang nasa­sayang. Tiyakin ang kaligtasan ng mga pasahero. Huwag ningas kugon sa paghihigpit.

PHI­LIPPINE COAST GUARD

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with