USDA, nag-aalala sa mga manggagawa ng asukal

SA ulat ng US Department of Agriculture, nagpatunay sa pag-aalala ng mga manggagawa ng asukal at planters na nagsasaad na ang produksyon ng asukal sa Philippines my Philippines ay bababa lamang sa dalawang milyong metric tons ngayong taon ng pananim dahil sa mas mababang paggamit ng pataba.

Bakit? Sagot: sa pagtaas ng presyo!

 Ayon kay Unyon ng mga Manggagawa sa Agrikultura chairperson Antonio Flores, malinaw na sampal ito sa Sugar Regulatory Administration na hindi kailanman kinikilala ang mga reklamo ng mga nagtatanim ng tubo sa mataas na halaga ng pataba simula pa noong una.

Sinisi lamang nito ang pagbaba ng produksyon ng asukal dahil sa pinsalang dulot ng Bagyong Odette na kinilala rin ng USDA. Noong panahong iyon, ang halaga ng pataba ay sumirit mula P850-P2,400 ang isang bag. Sabi nga, ngayon ay umabot na sa P3,200 ang isang bag o halos apat na beses ang presyong itinaas.

Ang isa ay nangangailangan ng 18 sako ng pataba para sa bawat ektarya ng lupang taniman ng sugarcane. Kaya mula sa dating P15,300 ng presyo ng pataba noon, kailangan na ng mag-shell out ng P57,600 para makapagtanim ng isang ektarya ng tubo. O pagtaas ng production cost na P42,300 kada ektarya. Hindi pa kasama rito ang pagtaas ng presyo ng petrolyo na kailangan din sa pagtatanim at pag-aani ng tubo.

Ika nga, noong Abril 3, 2022, ayon sa SRA mismo, ang produksyon ng hilaw na asukal para sa taon ng pananim 2021-22 hanggang Abril 3, 2022 ay mas mababa lamang ng 0.60% kaysa sa taon ng pananim noong nakaraang taon. 

Ang produksyon ng pinong asukal hanggang sa parehong petsa sa itaas ay 17.42% na mas mataas kaysa sa nakaraang taon ng pananim.

Makabubuti para sa SRA na nasa ilalim ng DA na kilalanin ang pagtaas ng presyo ng pataba sa industriya ng asukal at magbigay ng kinakailangang tulong sa produksyon sa mga nagtatanim ng tubo, na karamihan ay maliliit na shareholders sa halip na magplano lamang mag-import ng 350,000 MT ng asukal. Ang pag-import ay magpapabankarote lamang ng maliliit na planter at gagawin silang mga manggagawa sa tubo na isa sa pinakamababang suweldong manggagawa sa agrikultura.