ISANG 1,229 year old pub o bahay-inuman sa Great Britain ang nagsara dahil sa problemang pinansyal na dulot ng COVID-19 pandemic.
Inanunsyo sa official Facebook page ng Ye Olde Fighting Cocks pub na permanently closed na ang kanilang establisimento dahil hindi na nila kinaya ang financial difficulties na pinalala ng pandemya.
Matatagpuan ang Ye Olde Fighting Cocks pub sa St. Albans, England. Ayon sa official website, nagsimulang maging bahay-inuman ito noong Year 793 kaya ito ang kinikilalang pinakamatandang pub sa Great Britain.
Ayon sa isang news article, Mitchell’s & Butlers, isang brewery, ang bagong nagmamay-ari ng building kung saan nakatayo ang pub. Sa panayam sa nasabing brewery, may posibilidad na ibalik nila ang pub sa mga susunod na taon.