Magician, lumipad sa taas na 2,400 feet gamit ang mga lobo

HUMAWAK sa 50 lobo ang kilalang illusionist at daredevil na si David Blaine upang lumipad ng isang oras sa himpapawid ng Arizona desert.

Naka-live-stream pa sa Youtube ang ginawang stunt ng 47- anyos na si Blaine, na tinawag niyang “Ascension” o pag-akyat.

Ayon kay Blaine, lahat ng kanyang mga stunt ay sumusu-bok sa hangganan ng kanyang kakayahan kaya naman lahat daw ng mga ito ay hindi basta-basta maiisip gawin ng ibang tao.

Noong una raw, plano ni Blaine na lumipad sa taas na 18,000 feet ngunit sa huli ay naabot niya ang taas na 24,900 feet (halos walong kilometro) bago siya nag-parachute pabalik sa kalupaan.

May naka-monitor namang grupo ng mga eksperto sa kalagayan ni Blaine upang masigurado ang kanyang kaligtasan.