Immigrations ‘e-gates’ are coming sa Philippines my Philippines

YESTERDAY, nagkausap kami ni OIC BI Deputy Commissioner at Port Operation chief Red Marinas tungkol sa ‘e-gates.’

Sabi nga, electronic gates na gagamitin ng madlang Pinoy only sa mga international airport sa Philippines my Philippines specially sa NAIA this co-ming month.

Bakit?

Sagot - para mapabilis ang pasok at labas ng madlang pinoy only sa departure at arrival counters ng BI at masolusyunan ang minsan ay mahabang pila rito dahil sa rami ng mga pasaherong pumupunta at umaalis ng NAIA.

Ibinida ni Red, kailangan lamang ng isang ‘pinoy’ passenger ng 12 to 15 seconds gamit ang ‘e-gates’ at i-swipe lamang ang kanyang passport, biometrics at facial capturing para rito.

HIndi biro ang halaga nito P340 million lang naman ang ‘e-gates’ kaya naman 18 units muna ang gagamitin sa mga major paliparan tulad ng NAIA terminals 1,2 at 3, Kalibo, Davao, Clark at Cebu.

Gustong pilipitin este mali pilitin pala ni Marinas na magamit ito sa all major airport bago matapos ang 2018.

Sabi ni Red, ang  ‘e-gates’  ay for madlang Pinoy use only!

Ika nga, ang mga banyaga ay sa BI counters pa rin papasok at lalabas para mabigyan sila ng airport immigration clearance.

Ang mga hindi nakakaalam ng panggamit ng ‘e-gates’ ay tuturuan ng mga assigned immigration officers na nakatutok para hingan este mali asistihan sila.

Sabi ni Red, hindi bago ang ‘e-gates’ dahil gamit na ito sa ilang airport abroad at 1st time only sa Philippines my Philippines ito magagamit.

‘Ano ang masasabi ninyo?’

Abangan.

• • • • • •

Boss Digong, ‘call a friend,’ sa taas gasolina 

Nakakatakot ang sunod-sunod na taas presyo sa mga pangunahing bilihin, gasolina, kuryente, tubig at iba pa pero ang sahod ‘steady.’

Sabi nga, walang taas suweldo !

Ang ganitong pangyayari sana ay tirisin este mali tiisin pala ng madlang people lalo na ang mga mahihirap dahil baka sa gutom at walang pambili ng makakain baka kung ano pa ang maisip gawin ng iba sa kanila?

Ano sa palagay ninyo?

Sunod-sunod ang taas presyo ng gasolina, nanggagalaiti sa galit ang madlang pinoy pero wala silang magawa kaya sumisigaw sila ng ‘dagdag’ sahod sa gobierno.

Sabi nga, pagbigyan na sana!

‘Huwag nang patagalin ito dahil iba ang pumapasok sa utak kapag nagugutom ang isang nilalang ni Lord.’

Ano sa palagay ninyo?

Esep-esep!

Basta ang sabi ng gobierno walang pakialam ang TRAIN Law sa pagbulusok pataas ng mga bilihin?

Naku ha!

Totoo kaya ito?

Ano sa palagay ninyo?

Madlang Pinoy, kayo ang maghugas este mali humusga pala. Hehehe!

Sabi ng gobierno ng Philippines my Philippines ang pagsitsit este pagtaas pala ng presyo na nangyayari ngayon ay dahil bagsak ang peso sa international market dahil lumalakas as in ‘superman’ ang dollar kumpara sa peso.

Baka pagdating ng panahon ang pera ng madlang Pinoy ay wala ng mabili pa?

Mas mainam hanggang maaga pa ay itaas na ang sahod ng madlang manggagawa, paspasan ang usapan para naman madagdagan kahit kaunti ang laman ng kanilang bulsa.

Ano ba? Huwag na paikutin pa!

Kailangan kaya ng madlang pinoy ng double job para lumaki ng kaunti ang sahod nila?

Sabi ng gobierno nag-iisip sila na kumuha ng petroleum products sa Russia kahit hindi ito miembro ng OPEC?

Grab the opportunity, kung sino ang puedeng tumulong iyon ang hingan ng tulong sa murang gasolina!

Hikahos na ang madlang people sa hirap na dinadanas nito sa pagtaas ng mga presyo.

Boss Digong, call a friend na....Russia!

Ano sa palagay ninyo? Abangan.