Ang aking latigo at ngayo’y pinipilantik
pero banayad lang hindi masakit;
sa likod ng mga taong totoong masungit
dahil nasa puwesto sa ating politics!
Mga empleyado sa ating gobyerno
ay maraming-marami mga abusado;
kapag may lumapit ang dala’y reklamo
hindi papansinin lumalayo ito!
At kung reklamo sa mga opisyal
ituturo ito sa malayong lugar;
kung saan naroon hindi niya alam
hanggang sa ang tao’y umalis na lang!
May empleyado namang kapag ang lumapit
ay walang «padulas» pagka’t ito’y gipit --
umaalis na lang na kimkim ang galit
at nagsumbong na lang sa Haring Langit!