Sa katahimikan
Kung may marinig kang
awit na marahan
Na nakikisaliw
Ang pananahi mo at gawaing bahay
Yaong ang tinig ko
Sa buong maghapon kita’y tatanuran
Kung ikaw’y may lungkot
Sa pamamanglaw mo kita’y
daramayan
Sa pagdarasal mo
Babantayin ka rin ng buwang malamlam
Sa pagkakaluhod
Noo mo ay kanyang marahang
hahagkan
Ang puso kong buwan
Diwa yaong sinag na siyang tatanglaw
Sa pagdarasal mo
Sa buong magdamag na iyong
paghimlay
Sa hanging amihan
Sa tuwi-tuwi na’y iyong maririnig
Ang guni-guni kong
Ikaw ang lagi nang ibig makaniig
Sa pagbabasa mo
Ako rin ang paksa ng iyong katalik
Kung napapagod ka
Kita’y iduruyan sa marahang tinig
Ito ang ganti ko
Sa iyong pagtinging wagas at matapat
Sa iyong dalangin
Ito ang pagsuyong aking itutumbas
Sakaling sa buhay
Magtampo sa aki’t magwakas
nang ganap
Sa ulilang puntod
Aking babauni’y iyong pagliyag