20 kuto, inalis ng doktor sa mata ng babae!

ISANG babae ang nagreklamo sa doctor dahil sa labis na panga-ngati ng kanyang kaliwang mata. Ang babae na nakilalang si Zhang ng Shandong ay nagpapagaling sa ospital dahil sa stroke nang biglang kumati ang kaliwang mata.

Agad sinuri ng doctor ang mata ni Zhang. Ganun na lamang ang pagkagulat nito nang makita ang 20 kuto sa loob ng mata ng pasyente. Isa-isang inalis ng doctor ang mga kuto.

Ayon kay Zhang, inakala niyang ang pangangati ng kanyang mata ay dahil sa pagkarekober niya sa stroke. Pero patuloy ang pagkati nito at pinakiusapan niya ang anak na tingnan ang kanyang mata. May nakitang gumagapang ang kanyang anak pero hindi masiguro kung ano iyon.

Kaya ipinasyang patingnan na sa doctor. Ayon sa doctor, sinilip niya sa microscope ang nakuha sa mata ng pasyente at natiyak na mga kuto nga iyon.

Inalis ang mga kuto sa pamamagitan ng maliit na tweezers.

UOD, nakatutulong para madaling gumaling ang sugat

KAPAG nagkaroon ng sugat, may posibilidad na ito ay langawin at magkaroon ng uod. Pero alam n’yo bang nakakatulong pala ang mga uod (maggots) para madaling gumaling ang sugat?

Ayon sa mga doctor, ang mga sundalong nasusugatan noong panahon ng digmaan ay madaling gumagaling ang sugat at naobserbahan nilang dahil ito sa mga uod.

Kinakain umano ng uod ang dead skin cells at bacteria. Dito nagsimula ang ang tinatawag na Maggot Therapy tinatawag din Maggot Debridement The-rapy (MDT), or larvae therapy). Ang praktis na ito ay ginagawa bago pa nadiskubre ang antibiotics.