Sanga-sangang daan ang ating nakita
na pinupuntahan nang maraming pera;
Kaya ang tuwid na landas ay sira na
at ang daambakal ngayon ay wasak pa!
Dati ang PNR train ay abot sa Bicol
mula sa Tutuban ito ay patuloy;
ngayon biyahe nito ay kakarampot
hanggang Muntinlupa halos di umaabot!
Saan ba napunta kailangang budget
upang ang train sa malayo makasapit?
Kaninong bulsa ba ang pera’y nasilid
upang ang PNR train mabalik sa riles?
Saan napupunta ang maraming lagay
ng bus operator upang ito’y mapigilan?
Kung di-tinatanggap ganitong mga bagay
PNR train operation ay tulong sa bayan!