Noong 2010, isinilang si Deepak Paswan ng Bihar, India na may nakakabit na ekstrang paa at kamay sa kanyang dibdib. Mismong sa dibdib niya umusbong ang dalawang paa at dalawang kamay.
Dahil sa pangyayari, maraming Hindu pilgrims ang bumisita kay Deepak at sinamba siya. Siya raw ang incarnation ng diyos na si Vishnu. Si Vishnu ay maraming kamay.
Pero ang mga magulang ni Deepak ay labis na nag-alala sa kalagayan ng anak. Gusto nilang ipaopera ang ekstrang paa at kamay ni Deepak. Humingi sila ng tulong para maipaopera ang anak.
Marami ang tumulong. Ginawa ang operasyon sa isang ospital sa Bangalore. Ang doctor sa nasabing ospital ang nag-opera at libre. Umabot ng apat na oras ang operasyon.
Tagumpay ang operasyon. Masaya ang mga magulang ni Deepak sapagkat maaari nang mabuhay nang normal ang anak. –www.oddee.com---