Nagbagong panahon

Ngayo’y malimit nang magdaan ang bagyo

Ang ulan at baha nagiging perwisyo;

Ito’y mga tandang sa lahat ng dako

Inang kalikasan ay waring nagbago!

Walang anu-ano’y ating nadarama

Ang ating panahon ay nagbago na nga

Kung summer vacation hindi na masaya

Pagka’t umuulang halos walang tila!

Kung tag-ulan naman ramdam mong mainit

Sa mga tahanan wala na ang lamig;

Kaya ang panahon waring nagagalit –

Dahil mga tao’y masama ang isip!

Global warming ito sa ating daigdig

Ngayo’y naghahari sa lahat nang panig;

Dapat na tuklasin ng mga scientist

Mga dapat gawin laban sa panganib!