MAPAPANOOD na ang BITAG Live araw-araw, mula Lunes hanggang Biyernes, tuwing 10:00 hanggang 11:00 ng umaga sa bago nitong tahanan sa Kapatid Network, Aksiyon TV 41 simulcast sa Radyo 5. Sa halos walong taon ng pamamayagpag sa telebisyon, paÂtuloy pa rin ang grupo ng BITAG sa paglilingkod sa mga kababayang naghahanap ng makakapitan at pag-asang matuÂlungan mula sa kanilang dinaranas na problema sa buhay.
Lahat ng lumalapit sa aming tanggapan sa BITAG Action Center ay aming kinakausap at pinakikinggan ang bawat problemaÂ. Sa abot ng aming makakaya, pilit na binibigyang solusyon ng BITAG ang mga reklamo at sumbong upang matulungan ang mga taong patuloy na nagtitiwala sa aming programa.
Tinaguriang Public Service Day ng BITAG ang araw ng Miyerkules dahil buong araw na inilalaan ng mga BITAG investigators ang araw na ito para mag-asikaso ng mga nagrereklamo sa BITAG Action Center. Ang kaibahan ng BITAG sa ibang nagsulputang Action Center ng mga kakumpetensiyang programa, mismong ang inyong lingkod ang humaharap sa mga tao upang mapakinggan ang hinaing ng bawat isang humihingi ng tulong sa aming tanggapan. Kaya naman asahan ang masusing paghimay ng BITAG at maingat na pag-iimbestiga sa mga kasong isinusumbong upang mabigyan ng tama at agarang aksiyon. Lubos kaming nagagalak sa bagong tahanan ng BITAG Live sa Aksiyon TV Channel 41 na sabay na mapapakinggan sa Radyo 5 sa aming pag-alis sa sisinghot-singhot na network. Ngayon, mas malinaw na mapapanood at mas marami nang makakanood sa BITAG Live.
Para sa inyong sumbong at mahahalagang tips, tumawag sa 9328919, 9325310, mag-text sa 09192141624 o mag-email sa bahalasitulfo@hotmail.com. Maaari ring magsadya sa aming tanggapan, 299 Syjuco Building, Kalaw Hills, Tandang Sora, Quezon City tuwing Miyerkules 8:00 ng umaga hanggang 5:00 ng hapon.