4 mag-anak, utas sa sunog sa Bataan

MANILA, Philippines — Apat katao ang nasawi, kabilang ang 3-anyos na babae sa sumiklab na sunog sa dalawang palapag na bahay sa Balanga City, Bataan kahapon ng madaling araw.

Kinilala ang mga nasawing biktima na sina Zenaida Jose, 70; August Jose, 53; Jaimelyn Joy Manalo, 24; at Jaila Adeline Jose, 3.

Sa ulat ng Bureau of Fire Protection, alas-4:45 nang magsimula ang sunog sa unang palapag ng bahay ng mga biktima na noon ay nasa kasarapan ng tulog sa ikalawang palapag.

Sa bilis nang pagkalat ng apoy ay nakulong ang mga biktima dahil naka-padlock ang pinto nito. Hindi pa tukoy ng mga otoridad ang sanhi ng sunog.