Lalaking pugot ang ulo, natagpuan

MANILA, Philippines — Isang lalaki na pugot ang ulo ang natagpuan sa tabi ng Zigzag Road, Brgy. M. R. Espinosa, Milagros, Masbate kama­kalawa ng hapon.

Inilarawan ang walang ulong biktima na nakilala sa suot nitong maroon sweatshirt at gray na jogging pants na si “Randy”, nasa hustong gulang at residente ng Brgy. Buenavista sa bayan ng Uson.

Sa ulat, ala-1:45 ng hapon ay nagulat ang ilang mga motorista at residenteng dumaraan sa naturang kalsada nang tumambad sa kanila ang nakabulagtang bangkay ng lalaki na walang ulo na nakatihaya sa damuhang bahagi ng kalsada.

Pinaniniwalaang pinaslang ito sa ibang lugar at posibleng itinapon lang ang bangkay sa naturang lugar. Patuloy ang paghahanap ng ulo ng biktima.