MANILA, Philippines — Naglunsad ng nationwide manhunt ang pulisya laban sa isang dating Senior Fire Officer ng Bureau of Fire and Protection (BFP) 4A kaugnay ng mga kasong large-scale illegal recruitment schemes.
Si Lt. Col. Caro Wilson, hepe ng Regional Intelligence Division 4A kasama ang mga media practitioners ay bumisita nitong Martes sa ilang mga lokasyon kabilang ang isang dating tanggapan ng isang ex-Senior Fire Officer 2 (SFO2) na kinilala lamang bilang alyas Reyca Janisa sa BFP headquarters, Calamba City , Laguna at ang huling tirahan ay sa Kalsada 1, Quezon City at Malolos, Bulacan noong Martes, ngunit nabigong magsilbi ng warrant of arrest.
Ang warrant na may petsang Disyembre 17, 2024 at inilabas ni Judge Ronald August Tan ng Pasay City Regional Trial Court Branch 297 para sa mga kaso ng large-scale illegal recruitment schemes.Walang piyansang inirekomenda para sa kanyang kalayaan. Nahaharap si Reyca Janisa sa alegasyon ng paggamit sa kanyang posisyon bilang isang opisyal ng BFP upang makisali sa mga aktibidad na ilegal na recruitment, na umaakit sa mga indibidwal na may maling pangako ng mga empleyado ng gobyerno.
Nahaharap din ito sa mga kasong administratibo na inihain sa Office of the Ombudsman at Professional Regulation Commission (PRC) para sa imoralidad at propesyonal na maling pag-uugali.