Pinay nabundol ng tren sa Taiwan

MANILA, Philippines — Isang Pinay na turista ang nangangailangan ng operasyon matapos siyang mabundol ng tren sa Taiwan, ayon sa Manila Economic Cultural Office (MECO).

Sinabi ni MECO chairperson Cheloy Garafil na ang hindi pinangalanang Pinay ay nabundol ng tren sa kahabaan ng Shifen Sky Lantern Old Street.

Ang babae ay naglalakbay nang mag-isa ngunit kalaunan ay sumali sa isang tour.

“Na-inform na din kaanak niya. She’s stable and conscious but needs to undergo surgery because of her injuries,” ani Garafil.

Dagdag pa ni Garafil, nakikipag-usap na sila sa travel agency nito, na siyang bahala sa kaniyang mga gastusin sa pagpapagamot sa pamamagitan ng kaniyang insurance.