2 pulis sugatan sa baka
MANILA, Philippines — Dalawang miyembro ng Philippine National Police (PNP) ang nasugatan makaraang bumangga ang sinasakyan nilang mobile patrol sa isang kongretong poste nang tangkaing iwasan ang isang tumatawid na baka sa Indang, Cavite, kamakalawa.
Ayon sa report, ginagamot sa General Emilio Aguinaldo Hospital ang mga biktima na sina PSSG Jerwin Anacan ng Brgy. Buna Cuenca; at Pat. Ave Jay Masangacay ng Brgy. Kaytapos, kapwa nakatalaga sa Indang Municipal Police Station dahil sa tinamong sugat sa katawan.
Sa ulat, bandang alas-2:00 kamakalawa ng madaling araw habang nagpapatrolya ang dalawang pulis lulan ng isang mobile patrol sa Trece-Indang Road sakop ng Brgy. Mataas na Lupa nang tumawid ang isang baka sa kalsada.
Tinangkang iwasan ng driver ng mobile na si Anacan ang baka subalit tumuloy ito sa opposite lane kaya bumangga sila sa gutter at sa isang kongretong poste.
Kaagad na naisugod ang dalawang pulis sa ospital at kasalukuyang nilalapatan ng lunas.
- Latest
