P15 taas-pasahe sa dyip nakaamba

MANILA, Philippines — Inihayag kahapon ng Land Transportation Franchising and Regulatory Board (LTFRB) na kanilang sinusuri ang petisyon na itaas ang minimum na pamasahe sa jeepney mula P13 patungong P15.

Ang petisyon ay inihain ng iba’t ibang transport groups bilang tugon sa hirap dulot ng kasalukuyang sitwasyon sa ekonomiya.

Ayon sa LTFRB, kinikilala nila ang mga ­hamon na kinakaharap ng mga tsuper at operator dahil sa tumataas na presyo ng gasolina at gastusin sa araw-araw.

Nangako ang ahensya na kanilang pag-aaralan nang mabuti ang mga salik tulad ng presyo ng gasolina, antas ng implasyon, at epekto sa ekonomiya, lalo na sa mga pasahero.

Bagama’t nauunawaan ang pangangailangan ng mga transport operator, binigyang-diin ng LTFRB ang pagbalanse nito sa posibleng epekto ng taas-pasahe sa mga mananakay.

Nangako rin sila ng pagsasagawa ng pampublikong konsultasyon upang masiguro ang transparency at inclusi­vity sa pagdedesisyon.