PDL utas, 2 sugatan sa pananaksak sa Bilibid
MANILA, Philippines — Isang person deprived of liberty (PDL) ang nasawi habang dalawa ang nasugatan sa insidente nang pananaksak sa maximum security compound ng New Bilibid Prison (NBP), kahapon ng umaga.
Ito ang kinumpirma ni NBP Acting Superintendent Corrections Chief Inspector Roger Boncales na nangyari ang insidente alas-7:15 ng umaga sa Gate 1-A, Quadrant 4 ng Maximum Security Camp.
Pansamantalang hindi muna ibinunyag ang pangalan ng mga biktima hangga’t hindi pa nakakarating sa mga pamilya at kaanak ang naganap na krimen.
Agad namang inatasan ang lahat ng superintendent ng operating prison at penal farms sa bansa na magsagawa ng mga hakbang sa pag-iingat upang matiyak na walang gantihang maaaring maganap sa kani-kanilang mga nasasakupan kasunod ng insidente ng pananaksak.
- Latest
