Sunog sa Caloocan: 1 patay, 50 pamilya nawalan ng bahay

MANILA, Philippines — Isang 39-anyos na lalaki ang nasawi habang tinatayang 50 pamilya ang nawalan ng tirahan matapos sumiklab ang sunog sa isang residential area sa Barangay 118, 4th Avenue kahapon ng madaling-araw.

Ayon kay Senior Ins­pector Elyzer Leal ng Bureau of Fire Protection Caloocan, alas-3:15 ng madaling araw ng magsimula ang sunog sa isang three storey residential apartment sa Barangay 118, 4th Avenue, Caloocan City.

Sinabi ng isang Christoper Neri, binalikan ng kanyang kapatid ang pera sa nasusunog na bahay at may diperensiya ito sa pandinig kaya posibleng hindi narinig ang kanyang pagsaway.

Umabot sa ikalawang alarma ang sunog at aapula makaraang ang dalawang oras. Tinata­yang nasa P200,000 ang halaga ng pinsala ng sunog. Patuloy ang imbestigasyon ng mga otoridad.